Како што го завршуваме 4тиот проектен резултат од Еразмус+ проектот „Едукативни алатки за одржлив развој“, горди сме што можеме да ве известиме за успешното завршување на значајнo достигнување. 4тиот проектен резултат, кој имаше за цел создавање на мобилна апликација која ги интегрира помагалата за учење развиени во текот на проектот, стигна до својата завршна фаза.
 
Оваа иновативна апликација, која содржи квизови за суштински концепти за одржлив развој, културни согледувања и препознавање на сличностите и разликите, е специјално дизајнирана за лица со попреченост, опремена со различни функции за пристапност за да се обезбеди сеопфатна употребливост.
 
Нашите заеднички напори се базираа на тоа содржината на мобилната апликација и на веб-страницата на проектот да бидат достапни на локалните јазици на секоја организација учесничка. Оваа насоченост ја нагласува нашата посветеност да ги направиме нашите ресурси достапни и релевантни за секој корисник, без оглед на нивната локација или јазик.
 
Горди сме од достигнувањата во оваа фаза и се радуваме на позитивното влијание што апликацијата ќе го има врз младите лица со интелектуална попреченост. Досегашниот напредок е доказ за напорната работа и посветеноста на сите вклучени во овој проект. Ја упатуваме нашата најдлабока благодарност до сите учесници за нивниот придонес и посветеност кон унапредување на образовните искуства на младите лица со попреченост.
 
Повеќе информации за проектот можете да најдете на официјалната веб страна на проектот: https://greengrowth.mdu.mk/

Мрежа за доживотно учење, МДУ Тетово, организираше настани за дисеминација “Лицата со попреченост учат и го поддржуваат одржливиот развој и зачувувањето на културата”. Организирани беа два настани еден лице-в-лице и еден онлајн, со цел да се споделат проектните резултати од проектот “Green tools” во Тетово, Македонија. На настанот учествувааа 36 учесници лице-в-лице и 20 учесници онлајн: претставници на граѓански организации, млади лица со попреченост, нивните семејства и негуватели, наставници, едукатори од редовни и специјални училишта, како и публика од сите сегменти на општеството.

Овој настан беше можност да се презентираат алатките и методологиите развиени во текот на проектот.

Настанот ги опфати сите резултати од проектот:

  • Р1: Развиени содржини за учење и едукативен материјал погоден за млади лица со попреченост на теми од одржлив развој и култура
  • Р2: Произведени аудио материјали за лица со оштетен вид и специјални книги како помагала за учење за млади лица со интелектуална попреченост
  • Р3: Продуцирани филмови за учење за одржлив развој и култура за секоја држава од проектниот конзорциум
  • Р4: Создадена мобилна апликација која ги поврзува развиените едукативни материјали

 “Дизајнирање на едукативни алатки за млади лица со попреченост на тема одржлив развој и култура” - Green tools, е Erasmus+ проект, финансиран од страна на Европската комисија. Проектот обединува 6 проектни партнери од 6 држави : Македонија, Турција, Романија, Шведска, Албанија, Австрија.

За повеќе информации за проектот Green tools, посетете ги проектните социјални медиуми:

Мрежа за Доживотно Учење, Тетово учествуваше на третиот Транснационалниот состанок на проектот„Дизајнирање на едукативни помагала/материјали за одржлив развој за млади лица со попреченост” кофинансиран од програмата Еразмус плус на Европската комисија, кој обединува 6 партнери од 6 држави: Северна Македонија, Романија, Австрија, Албанија, Шведска и Турција. Средбата се одржа во Бурса, Турција, на 09.12.2023 година.

Следејќи го генералниот преглед на резултатите од проектот и досегашната работа, се фокусиравме на прашањата за координација со проектот, имплементација, мониторинг, евалуација и дисеминација. Во моментов ги правиме последните модификации за финализирање на проектен резултат 3, односно документарни видеа и проектен резултат 4 мобилна апликација.

Генерално, состанокот беше корисна средба и едвај чекаме да ве запознаеме со нашите финални производи!

„Дизајнирање на едукативни помагала/материјали за одржлив развој за млади лица со попреченост” преку програмата Еразмус плус Крај на проектот Резултат 3: Документарни видеа за учење за одржлив развој и култура за секоја од земјите учеснички

Проектот „Дизајнирање на едукативни помагала/материјали за одржлив развој за млади лица со попреченост” е проект Еразмус + имплементиран од конзорциум од 6 партнерски организации од Македонија, Турција, Романија, Албанија, Шведска и Австрија. Главна цел на проектот е развивање и креирање помагала за учење за лица со попреченост, поврзан со одржлив развој и култура.

Проектната веб-страна, мобилната апликација и другите алатки за одржлив развој и култура ќе обезбедат сосема нов тип на вмрежување во формалниот и неформалниот образовен сектор за обесправени и маргинализирани групи млади луѓе; тоа ќе помогне да се воспостави системска мрежа на соработка помеѓу (граѓанското општество) неформалното и формалното образование, нудејќи можности за зголемен број на поврзани проекти, истражувачки студии, современи транснационални курсеви и модули и нови пристапи и методологија во работата со оваа целна група.

Проектниот резултат 3 „Документарн видеа за учење за одржлив развој и култура за секоја од земјите учеснички“ беше насочен кон создавање кратки филмови и други видео едукативни материјали. Лицата со попреченост, а особено младите ќе бидат охрабрени и мотивирани да гледаат кратки видеа како помагала за учење. Продуцираните видеа се достапни за прикажување на интернет и споделување на социјалните медиуми.

Во изминатиот период, проектните партнери ја завршија имплементацијата на проектниот резултат 3 координиран од Мрежа за доживотно учење. Секој проектен партнер креираше видеа на две теми: одржлив развој и култура. Видео материјалот е преведен и видеата ќе бидат поставени на официјалниот YouTube канал на проектот.

Повеќе за проектот можете да најдете на проектната веб-страна: greengrowth.mdu.mk

Веб-страната во рамките на проектот Едукативни алатки за одржлив развој е достапна на 7 јазици (македонски, турски, романски, албански, шведски, германски и англиски).

Истата може да ја погледнете на следниов линк: greengrowth.mdu.mk

Проектната веб-страна служи како база за целиот произведен материјал во рамките на проектот и исто така претставува алатка за дисеминација што ја зголемува видливоста и употребата на проектните резултати.

Проектни цели:

  1. Да се идентификуваат и селектираат содржини за наставните програми за учење специфични за секоја земја учесничка и да се создадат соодветни наставни програми привлечни за младите и особено достапни за младите со попреченост
  2. Да се развие посебен материјал за учење и помагала за учење приспособени на потребите на младите лица со попреченост и да се поттикнат училиштата и наставниците да продолжат да развиваат слични помагала за други теми.
  3. Да се промовираат овие помагала за учење како јавно добро, особено кај заинтересираните чинители и да се воведат во процесот на учење во училиштата како воннаставни активности.
  4. Да се промовира концептот на култура и одржлив развој во секоја од земјите и регионот.

Проектната веб-страна, мобилната апликација и другите алатки за одржлив развој и култура ќе обезбедат сосема нов тип на вмрежување во формалниот и неформалниот образовен сектор за обесправени и маргинализирани групи млади луѓе; тоа ќе помогне да се воспостави системска мрежа на соработка помеѓу (граѓанското општество) неформалното и формалното образование, нудејќи можности за зголемен број на проекти, истражувачки студии, современи транснационални курсеви и модули и нови пристапи и методологија во работата со оваа целна група.

More Articles ...

  1. Почеток на Проектен резултат 4 во рамки на проектот „Дизајнирање на едукативни помагала/материјали за одржлив развој за млади лица со попреченост”
  2. „Девојки - шампиони на политички промени“
  3. „Девојки - шампиони на политички промени“
  4. „Девојки - шампиони на политички промени“

Information

Calls & Announcements Повици и соопштенија